احببت خادمتي بقلم ندي الحداد
-حضنتني بقوة: ياربي انتي قمر أوي، مش هنسالك اللي عملتيه ده أبدًا أبدًا.
-حبيبي بجد.
-سدرة
-يانعم.
-سدرة
-ياخير.
-سدرة
-متخافيش مش هكون عمتو الحرباية، هكون خالتو السُكر القمر، بس إذا لزم الأمر هكون عمتو الحرباية وحماتو العجربة ها.
-ضحكنا سوا وبعدها قالت بفزع: ياخرابي صنية الكيكة التانيه.
-قولت وانا مش فاهمه قصدها: في أي.
-جريت تجاه المطبخ: الكيكة اتحرقت.
-يابنت القرعة.
روحت وراها وببص على صنية الكيكة، دي مش كيكة تؤ ده فحم.
-اي ده يا غالي.
-بصتلي وكانت شوية وهتعيط: ياربي الكيكة اتحرقت.
-ما شاء الله ست بيت شاطره.
-متعيطيش اعملي غيرها وانا هستناكي.
-بجد.
-آه يلا، وانا هرن على ياسين عشان يدوق الكيكة، غمزتلها ومشيت.
-اتكلمت بإستفزاز: حبيبة حبيبي قمر.
-غمض عيونه وقال بنرفزه: سدرة بلاش تقوليلي حبيبي دي تاني.
-لية بتدايق، طب حبيبي حبيبي ها.
عارفه إن الكلمه بدايقة وخصوصًا لما انا اقولهاله، بس انا بحب استفز الناس واعصبهم، بحس بمُتعة كده اللي هو ياه على القمر.
-لية مش عايزني اقولها على جوازنا.
-حقيقه هي مش لازم تعرفها.
-بترُدهالي يعني.
-حاجه زي كده
-هتطلقني امتي.
-مشي فَـمشيت جمبه: هو انا اتجوزتك عشان اطلقك.
-طب عايز تتجوزني ليه.
-مزاج.
-ياسين.
-ممكن تسكتي شوية.
-طب قولي بتكرهني ليه.
-بصلي ورجع كمل مشي: مش بكرهك يا سدرة
-اُمال.
-مابكرهكيش وصلت ولا أعيد تاني.
-طب غيابي بيفرق معاك.
-لا.
-اتكلمت بهدوء: مايمكن أغيب ومارجعش تاني.
-اتمني.
-اهو شوفت إنك بتكرهني، بس حاضر ياسيدي هنولهالك، وهتعرف كويس إن غيابي هيفرق معاك، وهيفرق جامد أوي.
-وقف فَ وقفت: طول ما رَها معايا مش هحس بيكي نهائي فهماني.
-اتكلمت بثقة: بس سدرة غير وبكره تعرف.
-ناوية على أي يا سدرة
-مشيت كل خير ياسُكر، كل خير ياقمر.
عارفه ان وجودي زي عدمة عنده، بس زي ماقولتلكم بحب الاستفزاز كده زي الأكل بالظبط.
تعالي يلا عشان متتأخريش على الميعاد، انا جهزت كل حاجه.. بعت المسج لِـ رَها على الواتس وبعدها قفلت.
-بصوا يابنات رَها لازم تكون قمر بمعني الكلمة اتفقنا.
-ردوا في آن واحد: اتفقنا.
-يلا شوفوا شغلكم.
لبستها الفستان والجزمة بإيدي، لفتلها الخِمار بعد ما هي أصرت إنها تلبسه وقالت إنها هتثبت عليه ومش هتقلعة.
-كان ميعاد كتب الكتاب فَ مديت إيدي ليها بورقة: خدي دي ابقي أعطيها لِـ ياسين، بعد ماتكتبوا الكتاب اعطيهاله اتفقنا.
-ماشي، طب انتي هتروحي فين؟
-متخافيش ياسين موجود ماحدش هيقدر يكلمك، كل الأمور محلولة، هو شويه وهيجي ياخدك، أنا هروح أرنّ عليه، وهروح ألبس.
-حضنتني بحب: شُكرًا.
-مفيش شُكر بين الاخوات، بعدت عنها يلا باي، تتهني بيه.
