حماتي حامل

حماتي حامل
مها
بس انا لقيت الاختبار ده عندك في الاوضه يا حماتي من فتره وكمان بطنك الكبيره دي معناها ايه
اتوترت الحما وقالت
هاا لا انا عندي انتفاخ وبعدين البتاع اللي في ايدك ده انتي بتكدبي اكيد انا مش حامل..
مها
نشوف الموضوع ده مع ابنك بقي..
الحما 
لا استني انا فعلا حامل بس مش هينفع حد يعرف..

_وقبل ما نبدأ حكايتنا اعرفكم علي البطله النهارده واللي اسمها مها بنت طيبه اووي وعندها تمنيه وعشرين سنه متجوزه ومش بتخلف وحماتها بتعاملها وحش جدا..
_وفي يوم اتاخرت مها في النوم ودخلت عندها حماتها وقالت..
ناديه
انتي يا بت انتي قومي يلاا نضفي البيت ده.. 
البيت برا عامل زي الزريبه وقاما مها من النوم وقالت
مها
يا حماتي انا مروقه البيت من بالليل ايه هو انا كل شويه اروقه..
ناديه 
ايوه كل شويه يتنضف وبعدين مش عايزه تنضفي ليه وراكي العيل ولا يكونش وراكي العيل واحنا ما نعرفش.. خليني ساكته انا حطاه في قلبي ومش راضيه اتكلم
مها بحزن
دي حاجه بتاعت ربنا يا حماتي هو انا يعني كنت لقيت العيل وقولت لا مش عايزاه..
زعقت فيها ناديه وقالت
طلعت ناديه ومها رفعت ايديها وقالت
منك لله يا شيخه ربنا ينتقم منك اشوف فيكي يوم يا بعيده..
_طلعت مها ونضفت البيت كويس وبعدين غسلت الهدوم وطلعت عشان تنشرهم بس قالت ليها ناديه..
ناديه 
ايه ده يا حماتي انتي صابغه شعرك وكمان حاطه مانكير..
زعقت فيها ناديه وقالت وانتي مالك انتي غوري اعملي اللي قولتلك عليه..
مشيت مها وقالت لنفسها بسخريه 
شوف الوليه دي من كتر ما مدلعه نفسها تبان اصغر مني..
عادل 
تعالي يا بت يا مها عايزك في كلمتين..
مها 
خير يا عادل انا مش فاضيه لمشاكلك دي ورايا حاجات اد كده لازم اجيبها قبل ما حماتي تبهدلني..
عادل
يا بت تعالي ده انا جايلك في خير والله..
_دخلت مها معاه محل الموبيل بتاعه وقعدت معاه عشان تشوفه عايز ايه وقالت..
مها 
خير ايه بقي ان شاء الله..
عادل 
انتي عارفه اني مطلق ومراتي اخدت الواد ابني وسافرت البلد عند امها..
مها 
اوعي يا اخويا تكون عايزني اروح ارجعها ليك لا انا مش فاضيه كفايه حماتي والهم اللي معيشاني فيه انا مش ناقصه شحطته..
عادل 
ما انا هريحك من حماتك خالص يا بت انتي..
مها بحماس قالت ليه
هتخلص عليها صح..
عادل 
ېخرب بيت سنينك انتي عايزه تلبسيني مصېبه..
مها 
اومال انت عايز ايه ما تقول وتخلصني..
عادل
طيب اصبري عشان اعرف اتكلم هو انت مديني فرصه اتكلم اصلا..
مها 
اديني اهو سكت عايز ايه..
عادل بثقه 
عايز اتجوز حماتك يا بت يا مها..
يا نهار ابوك مش فايت تتجوز حماتي ازاي يعني انت ناوي علي طلاقي ولا ايه..
عادل 
هي مش مزهقاكي في عيشتك انا هخدها عندي تزهقني انا وتريحك انتي..
مها 
انت يالا عبيط ولا عايز ټنتقم من نفسك دي اد امك الله يرحمها..
عادل بس حلوه ومش باين عليها سن وعجبااني وداخله مزاجي..
مها
يا ابن ابويا هي البنات الصغيره قصرت معاك في حاجه..
عادل 
يووه بقي انا عجبااني دي وبعدين هي اكبر مني ب١٥ سنه مش فرق كبير يعني..
مها 
بقولك ايه حسن اخويا لو عرف حاجه زي دي هيطلقني فيها..
عادل