ماشي بليل وفجأه ولقيت حاجه 150m ماسكه في الجاكيت

انت في الصفحة 5 من 10 صفحات

– مش هقدر انساكي
..
عدا يومين بحاول فيهم ابعد على قد ما اقدر لحد ما في يوم بليل وانا قاعد لوحدي فالبلاكونه لقتها جايه
– جميلة اية مصحيكي لدوقتي!؟
بصتلي بغضب ممذوج بزعل وكان واضح جدا..
– انا زعلتك؟
= لا خالص
– مش بتكلمني ليه امال
= عشان..
– لو زعلتك قولي وهصالحك ممكن اعتذر

= انت مبقتش تحبني ولا عاوزاني صح

– ليه بتقولي كدا
= ليه بقالك شوية وشوية مش بتكلمني ولا بنلعب سوا ليه؟
– مشغول لكن اول ما افضي علطول هنلعب
= لاء انت مش عاوزاني خالص الاول كنت بتكلمني كتير
وقفت وبصيت في عيونها الي زعلانين بسببي ومبقتش عارف اقول اية
– لا بيتهيألك هنام بقي عشان هصحي بدري تصبحي على خير.
مش فاهم ليه قولتلها كدا بس انا مكنتش قادر استحمل وكل ما احاول ابعد ببقي مش قادر ولا كان هيهون عليا زعلها فا هربت

سمعت صوت الفجر بيأذن وانا كنت رايح فالنوم لاني بقالي يومين منمتش كويس
ومعاه سمعت صوتها الرقيق خالص وهي بتقولي انا اسفه
* تاني يوم الصبح *
– زين انت صحيت؟
= اه
– صحي جميله بقي لحسن بقالها كتير نايمه
= طب ما تصحيها انتي
– اية هو ده روح يا ولا هاتها خلينا نفطر
مش طالبه اشوفها وهي نايمه خالص = حاضر يا داده
خبطت عالباب ومرضتش ادخل – جميلة

انزلي عشان نفطر ماشي…. جميله ؟؟؟
يا جميييله؟
فتحت الباب وملقتهاش فى الاوضه!
فجأه حسيت ان دماغي تقلت ومخي وقف
قعدت ابص فى الاوضه بتركيز وانا مش مصدق خبط على الحمام بقوه مكنتش موجوده كنت خارج من الاوضه بسرعه جدا لحد ما لمحت ورقه على سريرها فتحتها بطريقه عشوائية
( انا خلاص همشي يا زين هتوحشني اوي متخفش انا هلاقي حد تاني يساعدني انت ساعدتني كتير اوي بس مكنش قصدي ازعلك خالص ومعرفش ليه مبقتش عاوزني بس sorry..)

قعدت عالسرير وانا بفتكر لما صحتني وقالتلي انها اسفه كنت حاسس اني مش قادر اقف
الورقه وقعت من ايدي وفضلت ماسك دماغي وانا استوعب الي حصل بسبب معاملتي الغبيه والي قريته فالورقه ! كدا ضاعت؟
نزلت جري معرفش ازاي حتي مردتش على الداده وهي بتنادي وركبت العربيه وفضلت اللف حولين الفيله واروح كل الاماكن الى روحنها سوا بس مش لاقيها ولا لاقي ليها اي اثر ولا حتي في ناس شافتها رجعت البيت بليل وانا مرهق ومش قادر

– زين !!! كدا تخضني عليك كل دا ! فين جميلة ؟؟

اترميت على الكرسي بمعني الكلمه وانا حاسس انوه خلاص خسرت اكتر حاجه حبتها في حياتي
– زين رد عليا في اية

لاول مره دموعي تنزل من سنين = جميلة ضاعت مني مشيت بسببي
كانت الداده مخضوضه بسبب دموعي والخبر الي قولتهولها
– يعني اية ضاعت ! عملت ايه خلاها تمشي دي معندهاش حد

= كنت بعملها وحش عشان بحبها وفاكر اني كدا هقدر اتخطها معرفش انها هتمشي خالص
بصتلي وهي مش فاهمه – بطل عياط كدا وقوم اتصرف انت فاهم رجعها يا زين دور عليها

فضلت باصص للارض لحد ما رفعت راسي ليها
= جميله مشيت خلاص افهمي كتبتلي ورقه وقالت انها ماشيه بسببي خلاص ضاعت مني !!
– عشان مكنتش بتكلمها
بصتلها وانا مستغرب
– متبصليش كدا انا عارفه جت كلمتني امبارح وقالتلي انك زعلان منها وهتحاول تصالحك واكيد لما معرفتش تصالحك مشيت مكنتش واخد بالك انك بتتعامل مع طفله ازاي تتصرف كدا؟؟
حتي لو بتحبها خلاص مقدرتش تتحكم في نفسك!

كان عندها حق فكل كلامها = اعمل اية
– دور عليها لو فضلت لوحدها ممكن يجرالها حاجه يحبيبي انا قلقانه
موبايلي رن ومردتش لكن الموضوع اتكرر لحد ما فتحت
– الو الو زين اللحقني
= جميلة؟؟؟؟؟؟؟؟؟

يتبع..

الحلقة السادسة

– زين اللحقني يا زين!
= جميلة!!؟؟؟ انتي فين!
– مش عارفه انا
وفجأه صوتها اتقطع ورد عليه واحد
= ايوه
– انت مين !
= اعتقد انها تخصك ولا اية
زين بزعيق – انت مين !!!!!
= قابلني بكره في ………. وتجيب معاك ورق المناقصه
– استني الو الووو
رمي الموبايل على الارض وفضل يتنفس بعصبيه
– في اية يا زين جميلة مع مين!
= اتخطفت
بخضه – يمصيبتي!!! اتخطفت ازاي مين الى خطفها
زين مكنش سامع غير صوتها وهي خايفه وبتقوله يلحقها
= كل دا بسببي انا تعبت
– مين الي خطفها بلغ البوليس!!
= الي جه يسرقني عايز ورق لي علاقه بالشغل فالشركه
– ودا ورق مهم
هز راسه وهوا كانت طاقته خلصت