روايه انتي طالق كامله
طنط انتي بتعيطي ليه بابي مش انت قلتلي لما بنحضن حد الدموع اللي عنده بتمشي وبيضحك ليه بقي طنط ما ضحكتشي
=احم احم يرضيكي ابقي راجل كبير كده وكداب ماتضحكي واجيبلك بنوبوني
_ضحكت ع براءه حسن وع حب والده ليه وانه بيربي قلبه ع انه يساعد غيره اكيد سامر ده عمره ماهيكون اب كويس ولو بقي اب ف يوم هيطلع ولاده مرضي نفسيين بسببه
قطع ابتسامتي صوته
هو انتي اسمك اي
آلاء اسمي آلاء منير رضوان
انتي بنت الدكتور منير رضوان الله يرحمه دكتور القلب المشهور؟
ايوه انا بنته
دكتور منير كان اعز صديق لوالدي ربنا يرحمه ويغفرله
ي رب
معلش انا مضطر استأذن يلا ي حسن معاد تدريبك جه
بابي عشان خاطري ي بابي سيبني مع طنط شويه عشان خاطري ي بابا عشان خاطري
والتدريب ي حسن؟!
ي بابي بقي
حاضر ي حسن باشا النهارده بس
عاش بابا عاش
بصتلهم وضحكت هما حلوين اووي حلوين بغباء
هستاذن انا أشوف شغلي حسن ماتشقاش ي حسن
حاضر ي بابي
لقيت حسن قرب مني وباسني ف خدي طنط ممكن ماتتعبيش تاني انا مش عايزك تتعبي وتروحي عند ربنا زي ماما وعد هتخليكي معايا ومش هتسيبني ي طنط.
هاا وعد ي حسن
مااعرفش ليه كنت مشدودالهم اووي كنت حاسه احساس غريب كأني عرفهم من سنين مش عارفهم صدفه لأ
تاني يوم ف المستشفى
ادخل
ازيك ي استاذه آلاء
الحمدلله ي دكتور علاء
ع فين ي طنط ؟
حسن!!
همشي بقي؟
حسن وهو بيعيط هتمشي تروحي فين؟ يعني كده انا مش هشوفك تاني ي طنط هو انتي ضحكتي عليا مش قولتي اننا أصحاب احنا كده مش صحاب الصحاب مش بيمشوا ويسيبوا بعض
حضنته وانا بعيط لا احنا أصحاب واصحاب اووي كمان ومش همشي واسيبك لا هنتقابل وهشوفك ع طول وهجيبلك بنبوني معايا اتفقنا؟
اتفقنا
يتبع
