بارك الله لكما وبارك عليكما وجمع بينكما في خير)
=هه، اوعا، سلام
_عاوز اقولك حاجة عشان ميبقاش حرام عليا
=اي!
_الاوضه بتاعك فيها فار
=لا عاد.. فار !!!!
_اه انا قولت اخلص ذمتى واقولك، قلبتى قطة يعنى
خوفت جامد دا فار يجماعة مينفعش معاه نينجا خالص، لقيت النور قطع اهى كملت بقي
_ولا انت ياض يتعبان انت
=متحركش من السرير على فكرة!!
_طب انا انى جايه عشان هعيط لو فضلت لوحدى
وصلت السرير لقيته فتح ولاعة وكان قريب منى اوى
_متقولش هتولع فيا! والله متقول
=الله يحرقك بوظتى اللحظة
_احمد انت لى مش مصدق انك لو قربت منى هفضحك وسط الناس لى مش مصدق!!
=عشان انتى طيبه
_انا يبنى! شكرا على ثقتك الغاليه
فضلنا نتكلم كتير ونضحك ونهزر، لا الواد بيعرف يهزر وطلع دمه خفيف، مش سافل بس، ظلمتك انى اسف!
_النور جه
=ايوة خد بالى
_اى زعلان لى؟
=ممكن يقطع تانى معلش كده
_هه، انا قايمة
=اه اه، شكلى هسخن تانى
ورينى كده حطيت ايدى على جبهته لقيتها باردة زى تربيته كده بالظبط يجماعة بالكربون يحبيبي بالكربون
_مفيش حاجة، احمد متستعبطش عشان مش هحلك بعد كده
=اى دا في اى
_تصبح على خير يباشا
ضحكت وضحك وكنت على اول الباب ووقفنى صوته
_مريم
=ها
_شكلى كده هحبك
ابا يجماعة يجدعان الحقونى والحقوا قلبي إلى بتزيد نبضاته دى وحاجة في منتهى قلة الصحة يرايق
دخلت الاوضه منا مش هرد اكيد، ارجع اقوله وانا كمان؟
بس ثوانى انا حبيت مين فيهم، حبيت المحترم إلى بيحب القراءة ولا حبيت ابو دم خفيف إلى بيستعبط دا، اعمل اى اقتله واقتل ابوه ونفسي والشغالة!!
نمت وانا مبتسمة وصحيت الصبح ودخلت الاوضه بتاعته وانا مرتاحة اوعا المحترم اوعا القمر إلى مأمناه على نفسي
_ازيك يحلوة
=نعم يخويا مالك!!
