رواية امتلكني القمر(كامله جميع الفصول) بقلم يارا عبد العزيز

سها : حتى لو مفيش سبب يخلى واحد يتخلى عن اللى بيحبها ايا كان صدقينى سارة مجرد تعود لانهم مع بعض من ساعة ما كانوا اطفال مش اكتر

قمر كانت لسه هتتكلم بس قاطعها رنة فونها

قمر : دا فهد 

سها: طب ردى وافتحى الاسبيكر

قمر : الو السلام عليكم

فهد : وعليكم السلام حضرى شنطتك عشان مسافرين باريس

قمر : باريس بس ليه

فهد : نص ساعة وهعدى عليكى تكونى جاهزة

وقفل الخط

قمر بغيظ : بارد اوى بيدى الاوامر ويقفل من غير ما حتى يعرف رأيى 

سها : هههههه والله انتوا الاتنين شبه بعض يلا قومى نحضر شنطتك

قمر : ماشى

سها وهى بتحط هدوم قمر فى الشنطة : فرصة كويسة تقربوا من بعض استغليها وبكرة تقولى ان كلامى كله صح 

قمر : هنشوف 

سها : كدا خلصنا همشى انا بقى وابقى طمنينى عليكى

قمر : حاضر 

بعد ربع ساعة

فهد فضل يزمر بعربيته عشان قمر تنزل 

قمر وهى بتاخد الشنطة: جاية أهو مش عارفه مستعجل على ايه دا

فهد : ايه ساعة على ما تنزلى

قمر : اتكلم بأسلوب احسن من كدا

فى باريس فى عربية فهد 

قمر : الله جميلة اوى بجد انا كان نفسى اروحها من زمان 

فهد : خليكى هنا انا نازل اجيب حاجه من السوبر ماركت دا وجاى

قمر : تمام

فهد دخل وقمر خرجت برا العربية عشان تتفرج على المكان وفضلت تمشى

قمر بدموع : يلهوى ارجع عند العربية ازاى انا توهت ولا ايه

قمر بدموع : يلهوى ارجع العربية ازاى انا توهت ولا ايه طب اسأل الناس على ايه اقولهم ارجع عربية فهد ازاى يا رب ساعدني دا انا لسه ١٨ سنة معقول همو.ت دلوقتي وقعدت على ديسك كان موجود فى الشارع وفضلت تعيط

فهد رجع عند العربية وملاقش قمر 

فهد بخوف : دى راحت فين دى

ورن على الفون بتاعها بس مصدر الصوت كان جاى من العربية

فهد بعصبية وخوف وهو بيمسك فونها: يلهوى يا قمر غبية وديما بتمشى بدماغك

فهد ركب العربية وفضل يلف بيها لحد اما لمحها من ضهرها وراح عندها

فهد بعصبية: انتى بتعملى ايه هنا

قمر اول اما سمعت صوته بصتله وكأن روحها رجعتلها تانى وجريت عليه وحضنته

فهد كان مشعلق ايده فى الهوا

قمر بعياط : كويس انك جيت انا بجد كنت خايفة اوى

فهد وهو بيشدد من مسكته عليها وبحنية: اهدى خلاص محصلش حاجه انتى كويسة

قمر طلعت من حض@نه وفضلت تبص لعيونه

فهد بعصبية: ايه اللى خرجك برا العربية هو مش انا قولتلك خليكى جواها لحد اما اجاى

قمر بشهقات: المكان كان عاجبنى وقولت اتفرج عليه ومحستش بنفسى غير وانا هنا

فهد بصوت عالى: انتى مفكرة نفسك فى القرية بتاعتكوا انتى هنا فى باريس فاهمة يعنى ايه باريس

قمر بزعيق : هو انت بتتعصب عليا ليه

فهد : شوفى غلطانة وبتعلى صوتك

قمر : يعنى لو كانت سارة حبيبة القلب هى اللى تاهت كنت زعقتلها كدا