بنت الخدامة
فات كام يوم ويوسف مش فاضي غير لتطفيش نور وتعصيبها، اللي كانت بتستحمل كل اللي بيعمله بسكوت عجيب.. ورغم محاولا رفيع في انه يخلي يوسف يبطل تعامله الصعب دا معاها، الا انه مقدرش عليه ويوسف بيتححج ببرود.. مستفز_ مراتي وانا حر
الباب خبط وفتحته ظهر قدامها واحد، اول ما شافها صفر_ من امتي بيت يوسف بيدخله حد نضيف كدا!
لفت انتباهه شعرها اللي فالت كالعادة من الطرحة، مد ايده علشان يلمسه_ شعرك دا حقيقي ولا بروكة؟
لكن قبل ما يمسكه.. ايد يوسف كانت سبقته ومسكت ايده، بصلها_ ادخلي جوه
خافت من نظرته ومشيت فورا علي المطبخ
_جاي لية ياز@فت؟
_دي مقابلة تقابل بيها صاحب عمرك؟
_احنا مش قولنا هنتقابل برة
_الله.. قولت اجي اعدي عليك والحمدلله اني عديت، مين الصاروخ ارض جو اللي مشيت دي
_يوسف قول صح مين دي؟ وقولي سكتها.. دا انا صاحبك برضوا
اتعصب_ امشي اطلع برة يامازن دلوقتي بڈم ..ا اتهور
_شكلها تخصك ياجميل
وغمز ليه ومشي
**
دخل المطبخ..
_سهي اطلعي
طلعت سهي وهي بتبصلهم بتعجب وفضول بالكاد قدرت تتحكم فيه
قرب منها ومسكها من دراعها خلاها تبصله_ اللي حصل برة دا ميتكررش تاني
_اياكي تفتحي الباب لحد بعد كدا.. دي مهمة سهي وبس، ومتطلعيش لحد غريب، سامعة؟
_حاضر
ولمسھ شعرها بأيده_ شعرك اللي فرحانة بيه دا، ان مدخلش جوه الطرحة انا هقصولك يانور
_انا بحبه مفرود كدا
شد الخصلة اللي في ايده بقوة شوية_ وانا مبحبوهش كدا
_ايي بتوجعني
_وهوج@عك اكتر لو مسمعتيش كلامي
_انت ملكش كلام عليا.. انا... ايي
شد شعرها اكتر وقرب منها.. همس في ودنها_ لا ليا، وليا فيكي اكتر من الكلام كمان، انتي مراتي
