رواية جوازة سودة عمياء ولكن كاملة بقلم كوكي سامح

..وفى يوم امنيه قامت تعبانه وبترجع وتعبانه اوى وعملت اختبار حمل وعرفت انها حامل ونزلت جرى من على السلم وهى بتقول نيره نيره وكانت نيره فالجنينه وكان حازم فى شغله 
نيره.. نعم يا امنيه 
امنيه.. فى خبر حلو هيفرحك انا حامل حامل وهبقى أم بعد 7شهور رددت وبكل برود وجزت على اسنانها وقالت مبروك 
امنيه.. انا هروح اكلم حازم وافرحه 
وفعلا سابت نيره وقامت تكلم حازم 
الداده.. مبروك يا ست الستات 
نيره.. خلاص يا داده كلها 7 شهور زى ما قالت ومش هتشوف يوم راحه وخلاص المراد تم 
الداده.. هتعملى ايه 

نيره.. هقول لحازم انى حامل......
هقول ل حازم انى حامل رددت الداده وقالت على بركه الله كل اللى جاى خير يا ست الستات
.. يارب يا داده لأن بجد انا نفسى اغير حياتى دى بقى واخد حقى من امنيه مش كفايه حقى ضاع بسببها
.. والله يا ست الستات انا كل لما اسأل نفسى اقول هى والمرحومه خالتك اللى عملوا فيكى كده
.. لأ يا داده خالتى ملهاش ذنب فى حاجه هى العقربه امنيه اللى ضيعت حقى
امنيه.. الحمد لله يارب شوفتى يا نيره ربنا كرمنى انا فرحانه بالحمل ده اوى
نيره.. مبروك يا حبيبتى ربنا يكملك على خير
الداده.. المهم يا ست امنيه الراحه ثم الراحه وياريت تخلى بالك على نفسك
نيره.. عندك حق يا داده امنيه اسمعها كلامها انا وانتى معندناش خبره فى المواضيع دى ياريت تاخدى بالك من كل حاجه الداده بتقولها
ونيره قالت فى سرها لازم تحافظى على اللى بطنك لأنك مش هتشوفيه تانى انا هاخده منك ده الأمل اللى عايشه عليه 
امنيه.. شكرا يا داده على نصايحك 
الداده.. المهم الراحه 
امنيه.. يااه انتى هتعملى زى حازم هو كمان بيقولى كده 
نيره.. هه يا سلام على الدلع 
امنيه.. انا هقوم اروح اوضتى لحد ما حازم يرجع من المكتب 
وفعلا امنيه قامت وراحت اوضتها
الداده.. يا اختى ده انتى لسه حامل فى شهرين لحقتى تمشى تتقصعى زى الحوامل على رأى المثل كهن ستات صحيح 

نيره.. الحمد لله انى مش بشوف كان زمانى اتقهرت😒 ارجوكى يا داده انا عاوزه ادخل اوضتى
.. وقامت وقفت والداده سندتها وكانت ماشيه مضايقه والغيره قايده نار 🔥 جواها
الداده.. بقولك يا ست الستات انتى هتقولى ل حازم ازاى انك حامل رددت وقالت لازم يعرف انى حامل فالوقت ده 
الداده.. طيب وازاى وامنيه معانا فى نفس الڤيلا 
نيره.. انا هتصرف وشهرين كده واما الحمل يبان عليها انا هسافر وكده هو مش هيعرف حاجه وانتى اللى هتعملى كل حاجه بس تعملى زى ما بقولك بالظبط مش عاوزه خطتنا تبوظ ده مستقبلى كله فيها 

الداده.. حاضر يا ست الستات الحقى حازم بيه شكله رجع بدرى لما عرف ان السنيوره حامل ههههههه
نيره. خليه يفرح يومين بيها بكره يعرف انى انا ست الكل وست البيت ده وامنيه دى مش هيكون ليها اى لازمه

حازم.. نيره نيره 
.. ومسك ايدها تعالى اسندك انتى رايحه فين رددت وقالت رايحه اوضتى انا تعبانه من اول امبارح بس مش عاوزاك تقلق رد وقال مالك يا حبيبتى رددت وقالت هروح للدكتور علشان الترجيع ذاد عليه ومسكت بوقها وقالت تعالى يا داده معايا الحمام عاوزه ارجع مش قادره 
حازم.. اه فعلا وشك اصفر وشكلك اتغير 
نيره.. مش قولتلك انى تعبانه 
حازم قال نيره بس بصوت واطى وقال هى الداده عارفه حاجه رددت وقالت اه كان لازم اققولها دى مش الداده بتاعتى دى امى اللى ربتنى انت متعرفهاش كويس رد وقال اه يعنى عارفه ان فى علاقه بينى وبينك علاقه رددت وقالت لازم تعرف وكمان بقولك انا عاوزاك النهارده تبات عندى فى اوضتى 
حازم.. ازاى بس 
نيره.. اه انت خايف على شعورها علشان حامل 
حازم.. لازم ده اول ولد لينا وانا فرحان اوى