رواية البريئة والقاسي كاملة جميع الفصول بقلم الكاتبة اسماعيل موسي
اميره هنعمل ايه بقا؟ كل العملاء رفضو عروضنا، حتى الناس إلى وافقت وكانت فرحانه اعتذرت فى اخر لحظه
سادين بعد تفكير، هنقلل السعر شويه
اميره لكن كده هنخسر؟
سادين خساره محدده لحد ما نثبت نفسنا بعد كده هنبيع براحتنا
مفيش شخص عاقل هيرفض مكسب مضمون، بعد كده هما الى هيجرو ورانا
_________
شاهنده وهى بتضحك، مفيش ولا عميل دخل عندها؟ ها ها ها
لازم انتقم منها زى ما انتقمت من والدها الله يحرقه، شاهنده مش بتنسى حقها ابدا
رن تليفون شاهنده، بصت على الرقم، اتلفتت حواليها وردت
عايزه ايه؟
عايزك تكونى عندى بعد ساعه!
شاهنده، مش كنا خلصنا من الموضوع ده؟
الصوت، انا الى اقرر امتى وليه فاهمه
الصوت، لما يطلبها منى، سلام
يا ابن ال.......
سندس رعد بيه فين؟
فى غرفته يا هانم
بلغيه انى عايزاه ضرورى
نزل رعد بسرعه، خير يا ماما
انت كلمت فهد زى ما طلبت منك؟
رعد لا، مش عايز، فهد شمتان فيا وانا مش هديه الفرصه يسخر منى
شاهنده، رعد حبيبى، انت لازم تكلم فهد وتقابله بسرعه عشان خاطرى
رعد حاضر يا ماما
________________
معاذ الشمرى والفون على ودنه، ها عملت ايه؟ شاهنده عايزه قرصت ودن
واضح انها نسيت نفسها
تعليماتك بتتنفذ بالحرف يا باشا، مجرد ايام وهتجيلك راكعه تحت رجليك
معاذ الشمرى، مش عايز تأخير، انت عارف انى بكره الأنتظار
حاضر يا باشا
__________
هند، دا اول عميل يدخل عندنا
هند بحزن لكن خسرانين فيها؟
سادين مش مهم، اوعدك خسارتنا تتعوض قبل نهاية السنه
انا عايزه اخبار الصفقه دى توصل كل العملاء إلى رفضو يتعاملو معانا
لازم يحسو بحجم الخساره لرفضهم عروضنا
اميره حاضر يا سادين، حالا الكل هيعرف
سادين وهى قاعده على المكتب بتفكر، الشخص إلى بيحاول يوقعنا لازم يعرف اننا مش لقمه طريه
كانت بتتذكر كلام العميل إلى ابرم الصفقه معاهم لما قال ان فيه ناس كتير نصحته ميتعاملش معاها
دخل رعد مكتب فهد، فهد فتح شركه جديده وكبيره، موظفين كتير، خدم، عملاء، الشركه صاخبه
اهلا وسهلا يا رعد، عامل ايه؟
بحاول اتعافى يا فهد
فهد عندك حق، الازمه قاسيه، مصيبه كبيره، انت فقدت كل أصول الشركه ربنا معاك والله
فهد فى سره، أحمق، طفل متهور صغير، إلى اتكسر عمره ما يتصلح، وغد يعتمد على والدته عمره ما هيبقى راجل
رعد ل فهد؟ انت قولت انك هتسلفنى فلوس عشان الإنتاج يرجع تانى
فهد طبعا، دا انت صديقى يا رعد، انا هديك الفلوس كلها إلى انت عايزها ومن غير ضمانات، انا واثق فيك!
رعد وانا اقسملك برحمة والدى ارجعلك الفلوس كلها
فهد بس انا عندى شرط واحد؟
رعد اتفضل يا فهد!
هتحضر خطوبتى على تلا، مش بس كده، انت هتقلها انك مش بتحبها وان فهد انسب شخص ليها
انت عارف ان معاذ الشمرى مش هيوافق على جوازك من تلا فى حالتك الماديه الصعبه دى؟
رعد بحزن عارف، لكن دا مش معناه انى اتخلى عن تلا؟
فهد بنبره كلها ثقه،
انت متجوز دلوقتى يا رعد وحتى لو كانت مشوهه لازم تخلص منها الأول، انا بعمل كده عشانك يا رعد متفهمنيش غلط
انا هخطب تلا لحد انت ما ترجع الشركه على رجليها وتطلق مراتك بعدها هسيب تلا ليك
رعد بنبره ممتنه انت انسان عظيم يا فهد، انا كنت فاكرك عدوى
متشكرنيش يا رعد، انت صديقى، عندى طلب تانى معلهش؟
رعد قول يا فهد
انا هديك ملايين كتيره، ومش هطلب مقابل، لكن انت هتوقع على عقد بيع فيلتك ليا، فهد لما شاف رعد متردد اردف انت عارف ان فيلتك متساويش اكتر من ٣ مليون
يعنى انا مش طمعان فيك ولا حاجه انا هديك عشرين مليون جنيه
طلع فهد ورقه وحطها قدام رعد، رعد وقع عليها من غير تفكير
فهد كتب شيك وداه لرعد ورعد مشى
فهد بعد ما رعد رحل، صرخ، اسامه؟
ظهر اسامه من ورا الستاره، صورت كل حاجه؟
صورتها صوت وصوره بدقه مثاليه
أبتسم فهد بسخريه كده تمام.
أمشى انت يا اسامه وفتح عنيك، الايام إلى جايه مش عايز اى أخطاء ومتنساش تحط البنت المشوهه دى تحت عينك، مش عارف انا مش مستريح ليها ليه؟
يعنى حت بت غلبانه يا فهد هتعمل ايه؟
انت مش فاهم حاجه يا أسامه، انا مش مهتم بيها، انا عايز اعرف سر كره شاهنده ليها!!
انغلق باب مكتب فهد، بص للكشوف إلى قدامه وهو بيبتسم، كده رعد خد حقه من مكسب البضاعه بما يرضى الله
طلع تليفونه وكلم شاهنده
ازيك شاهنده؟
شاهنده كويسه ملكش دعوه
فهد، انت لسه مفهمتيش؟ شاهنده ولا عمرى هفهم ولا يمكن اسمح لوغد زيك يتحكم فيا
فهد بنبره مسليه، شاهنده بصى فى ساعتك!؟
بعد نص ساعه تكونى فى شقتى
