بنت ‏الخدامة ‏‏

بصت في الارض ومردتش، كان بيبص عليها ومش عارف يبعد عينه عليها
_واقفة كدا لية؟ ما تشوفي شغلك!
_بدور علي واحدة اسمها سهي، مش لقياها
_هتلاقيها في المطبخ
_فينه؟
_تعالي معايا
سحبها من ايدها واخدها لـ المطبخ_ دا المطبخ
وشاور علي اوضة جنبه_ ودي اوضة الخدم اللي هتنامي فيها
كان مصّر يعاملها المعاملة دي لعلها تطلب الطلاق والفرار في اسرع وقت

وكان مصّر يعرفها هو مين ويأكدلها علي المعلومة اللي اكيد عرفتها وانه هو فعلا جوزها.. علشان تعرف مقامها عنده كويس
_حاضر يايوسف بية
**
دخلت المطبخ لقيت سهي قاعدة بتسمع اغاني وبتغسل الاطباق
_احم.. صباح الخير
_اي دا؟ انتي مين؟
_انا نور.. الخدامة الجديدة

_بتعملي اية؟
_قهوة ليوسف بية
_يوسف بية؟
رجعت تكمل اللي بتعمله وهي بتقول_ وياما هشوف العجب في البيت دا، هو مش يوسف دا يبقي جوزها؟ حتي مراته هيعاملها برفعة انف

دورت عليه كتير لحد ما لقيته في المكتب.. حطت القهوة قدامه ولسة هتمشي

_في حاجة اسمها اتفضل.. تخبطي قبل ما تدخلي ولا انتي متعرفيش اداب التعامل ولا اية؟
_اسفة
_انتي متعبة جدا، بعدين اي حاجة خاصة بيا تعملها سهي وبس
شرب رشفة من القهوة_ الا القهوة.. اعمليها انتي
_حاضر
ومشيت.. ورجع هو يشرب القهوة بتلذذ غريب
_عجيب.. من زمان مشربتش قهوة بالجمال دا اخدت سر الصنعة من دادة خديجة باين