رواية ‏الخدامة ‏والبيه ‏بقلم ‏شيري ‏عصام ‏ ‏(جميع ‏الفصول ‏)

وفجأة بدأت زينب تفتّح عينها تاني..
يسريه بفرحه: حمدالله على السلامة ياحبيبتي
زينب بصتلها وحاولت تتكلم ولكن معرفتش..

يسريه: اهدى ياحبيبتي دلوقتي وان شاء الله هتكوني كويسه..
زينب إكتفت بالابتسامه..

وبعدها دخل رامي علشان يشوفها

رامي بحزن عليها: الف حمدالله على السلامة.. هتكوني كويسه ان شاء الله وانا هعرف مين اللى عمل فيكي كده

وفضل أحمد برا واكتفي انه يعرف اخبارها من يسريه

وبعد يومين كاملين فى المستشفى أخيرا اتفك أجهزة الاكسجين عن زينب

رامي شبه بينام من التعب.. ويسريه روحت تنام شويه وترجع وأحمد اتضطر يروح يقابل العميل الجديد مكان رامي

مريم بإبتسامة لزينب: ازيك ياجميل..؟
زينب بإبتسامة وصوت متقطع: الح.. الحمدلله

مريم كشفت عليها ولقت حالتها فى تحسن

ورامي من كتر التعب نام على الكرسي
مريم وهى بتكشف على زينب

_جوزك باين عليه بيحبك اوى
زينب بإبتسامة: ده خطيبي

مريم بضحك: يستى مختلفناش.. بصي انا هنا بصاحب المرضي الصراحه وبقعد اتكلم معاهم ويتكلموا معايا..

زينب إبتسمت وقالت: حاجه كويسه ماشاء الله
مريم بإبتسامة: بس الصراحه فى ناس بتغلبني.. لان فى ناس بيجيلها حاله مش بيرضوا يتكلموا مع حد وانا زي ما انتى شايفه رغايه شويه علشان كده بقي بيزهقوا مني

زينب بضحك بسيط: والله انتى قمر ماشاء الله
مريم وهى قايمه(بغرور مصطنع): الكل بيقولي كده

وفجأة رامي صحي على الصوت وقال: اي ده هو انا نمت هنا ازاي؟!
ضحكت مريم وزينب بفكاهيه

مريم: حضرتك كنت جامبها امبارح ونمت على الكرسي.. ممكن حضرتك تروحّ دلوقتي تنام شويه وانا هحاول على قد ما اقدر آخد بالى منها

رامي بشكر: شكرا جدا لحضرتك

بصتلها زينب بإبتسامة وقالت بصوت واطي: تمام ياحبيبتي
وبعد خروج مريم مباشرةً رامي بص ل زينب وقال: انتى فاكره اللى ضربك بالعربية؟!

زينب بصتله بتذكر وقالت: لا
رامي بنظرة شر من اللى عمل كده: حاولى تفتكري يا زينب..

زينب بتحاول ولكن مش فاكره
وفجأة دخل حد وقال: انا عارف مين اللى عمل كده......
رابط ‏البارت ‏الثاني ‏عشر ‏من ‏هنا

البارت الثاني عشر من رواية
#الخدامه_والبيه

بصتلها زينب بإبتسامة وقالت بصوت واطي: تمام ياحبيبتي
وبعد خروج مريم مباشرةً رامي بص ل زينب وقال: انتى فاكره اللى ضربك بالعربية؟!

زينب بصتله بتذكر وقالت: لا
رامي بنظرة شر من اللى عمل كده: حاولى تفتكري يا زينب..

زينب بتحاول ولكن مش فاكره
وفجأة دخل حد وقال: انا عارفه مين اللى عمل كده...

بص رامي لقاها يارا

رامي بصدم#مه: يارا؟؟؟
زينب حاولت تقوم ولكن معرفتش

رامي بإبتسامة ل زينب: براحه.. مش هتعرفي تقومي.. ارتاحي

يارا وهي بتضغط على سنانها وقالت بغل: الف سلامه عليكي يا زينب
رامي بهدوء عكس اللى جواه: الله يسلمك.. مين بقا اللى عمل كده؟!

يارا بتكبر: عاوز تعرف؟!
رامي بغضب: اخلصي مين؟؟؟

يارا: إممممم اوك احمد. صاحبك..
رامي بصدم#مه وعصبيه: نعم!!!!!!!

يارا ببرود: خد اسمع
زينب كانت مصدومه من اللى بتسمعه

رامي بعصبيه أكتر: تعالى معايا براا
يارا ببرود: اوكي

طلعوا برا..

رامي بغضب جحيمي: بقولك ايه.! انا عارف انك انتى اللى عملتي كده.. ومش هسيبك

يارا بضحكة إستفزاز: ههههههههههه قولتلك أحمد صاحبك.. والدليل اهوو
رامي بعصبيه أخد منها التسجيل:

_فى التسجيل
صوت أحمد: هديك 50الف جنيه.. بس عايز زينب تنضرب بالعربيه
المجرم: حاضر يباشا..

أحمد بحذر: هتضربها ضاربه بسيطه وتاخدها على المستشفي ومن المستشفى هتخطفها.. انا مش هسيبها ليه..

المجرم بشر: اوعدك هنفذ اللى حضرتك عاوزه ياباشا.. بس بشرط فلوسي توصلنى النهارده

أحمد ببرود: نصهم النهارده ونصهم بعد العمليه